ho mai mai

XXXV: Blog Archive

2009-08-06T11:45:00.004+05:30

Blog Archive hi ka en a ka nuih a za lek lek.. May(1), June(27) July(7).. Hehe.. Nia june leh thla hmasa kha ka awl awvar em bawk a ni.. Tih tur hriat loh lutuk chuan post mai mai kha a nuam em a. Tun tum chu tleeeeemin ka buai ve deuh a ka post hman mang ta lo... a ni eeee..

XXXIV : Ubuntu !!!!

2009-07-28T23:00:00.003+05:30

Ubuntu hi tu te emaw sawi lar zarah ka hmang ve chhin a. A tirah cd in ka han boot phawt a, pen drive hmangin kan hmang leh zuai zuai a, chutah windows nena install kawpin ka han hmang leh phawt a. Chumi hnuah ka install ve ta chauh a. Kar hnih vel zen zawn chu install in ka hmang ta. A thlawna neih theih atan chuan a tha thlawt ka ti.
"Windows ruk chawp hman ai chuan a thlawn nge nge" tih pawh hi hman nachhan tha tawk tak tur chu a ni. Mahse a free ngawr chu thuhran, ka thil lawm nen a inhmeh em avang hian kei chuan hman nuam ka ti ta khawp mai.. Han en ve chhin teh un a ho viau nain ka chhuang ve a nia..

chuan hei hi youtube lam a mi.. kei ai chuan an chei mawi deuh..

hei pawh

XXXIII : Ka pass ... an ti

2009-07-23T17:35:00.004+05:30

Vawiin khan kum thum chhung kan zir BCA result chu a chhuak ni awm tak a ni. Nu ber dam loh vangin ka buaipui hman vak lova. Thianpa Jona chuan "1st ah i pass e" kha chu min tia. Ka lawm khawp mai. Ka va en zui lem hlei lova.
Chuan tlai lamah Simona a lo kal leh a, pasarihna i ni a tia. Tak tak ni maw.. A nih hlauh chuan lawmawm em em ah ngai hmiah ila a ni mai. Hehe.. Han sawi duah tur ka va hre chuang lo ve.. Heti zawng hi ni se, ka lawm e. haha

XXXII : Serlui B a ka thlalak tlem azawng

2009-07-12T22:44:00.006+05:30

Power house chhung. Generator 3 te hian 4MW theuh an pe chhuak dawn an ti in ka hria. hehe

Hehe

XXXI : Serlui B Mini Hydel Project

2009-07-10T12:15:00.000+05:30

Kan dam a Pathianin rem a tih chuan vawiin chawhnu dar 2:00 velah hian Serlui B Hydel Project lam panin kan chhuak dawn a.. Naktuk zana haw leh kan tum..
Tin, template hi ka thlak let daih.. hehe

XXX : Theme thar

2009-07-08T16:53:00.002+05:30

nuam ve mai mai.. ka tum angin a nalh leh pek chuang lo

XXIX : Suit Up!!

2009-07-06T21:01:00.004+05:30

Thla li(4) a lo ni leh ta der mai.. Suit up ho thlalak kan dah ve leh mai mai teng..

Hei hi chu scoring vak lo hehe

XXVIII : Video ve thung

2009-07-05T09:17:00.005+05:30

Ka template kan thlak leh ta pek. A ngai hi ka ning vat zel... Kar khat tawp engmah ka post loh chu le. Ka logo bawk hi a sitail dang deuhin kan dah leh mai mai ange...

Nalh ve tho em le..

XXVII : Isua'n Guilty Gear khelh a phal lo emni?

2009-06-28T15:29:00.006+05:30

Sunday a ni bawk a tih vang pawh ni lovin ka rilru ah a lang ve miau mai.

Chawhnu lamah ka chhungte TV en lai chu thingpui in pahin ka thlir ve mai mai a. Mizo naupang film, angel leh ramhuai in naupang an in thlem siak (?) tih vel a ni. Tichuan ka en ta zel a.. Naupang Computer-a games khel lai an lo lang a. Hercules ni ta in ka hria an lo khelh kha. Ramhuai pa chuan "Hetiang hi khel suh u. Hei hi khel zawk rawh u" tiin Guilty Gear XX (ni ta in ka hria) chu a khelh tir ta a. Character-ah pawh kawrvar ha, a kawr awm a cross awm(Ky-Kiske) te chu ti lang lovin dum zel zul (Testament) leh ramhuai man pa (Zappa) te chu an han ti lang deuh kher a. Tichuan chutia tui taka an khelh lai chuan angel te an lo lang a. "Hetiang game hi Isua duh loh zawng a ni" tiin naupang te chu an hrilh a. Pool game an khelh tir ta zawk a. Chung naupang fel tak tak te chuan chu game chu an delete ta a nih chu. Thu pawh an awih khawp mai.

Khatiang kha naupang kan zirtir dan tur a ni dawn em ni ka ti. Guilty Gear chu, ni e, insual buaih buaih lam a ni. Power pawh maksak tak tak an nei. An power te chuan hmangaihna leh khawngaihna lampang chu a entir lo khawp mai. Mahse naupang hnena kha game "Isua in a duh lo a ni" tih kan va hrilh khan eng ang chiah in nge naupang rilruah nghawng a neih ang le? Ka hriat zau lam ni lo mah se an khelh chak tak, nuam an tih em em "Isua phal loh" a va puan sak khan naupang rilruah inthiam lohna nasa tak a thlen theih ka ring deuh tlat. A film a mi te kha chuan an dah mai kha chu a nia, mahse mipa naupang games khel rual tan chuan Pool leh Guilty Gear chu in nawm hleih tak tur a ni. Chuan naupangin kha game kha khel chak ngawih ngawih ta se. Kha film kha en si ta se. Rilru thianghlim takin "Isua duh loh zawng chak ngawih ngawih" ah an in ngai awm sia.

Tin, hman deuh khan super hero, Superman, He-man, Spiderman tih vel hi tu tu te emaw khan an rawn bei chiam tawh. Superman film a en khan naupang chuan a ngaisang khawp ang. A rilru pawh a la viau ang. Mahse Superman aia thiltithei zawk Pathian kan nei tih hriattir hi kan tihtur a ni ka ti ve tlat. Kan naupan (ti ve khanglang ila) lai pawn He- Man te chu kan ngaihsan ve khawp kha. Ka thianpa pakhat phei chuan He-Man nih kha tawngtaiin a lo dil thin a ni awm e. Hei hian a ti lang ni a ka hriat chu He-Man aia ngaihsan, He-Man power ang pawh min pe thei tu Lal Isua a la awm tih lai tak hi a ni. Ka tawngkam hian a daih thin lo.

A hrim hrim thuin Mizote hian Game leh Movie kan khelh/en dawn a rating lo lang thin hi kan ngaipawimawh lo hrim hrim ka ti. Game thenkhat te phei chu kum 18 chin khelh tur tih te pawh a awm ve thin hi mawle. Movie lah ni se kan local channel ah dar 8 vel bawrah te an rawn ti leh kung kung thin. A chang leh concert pui deuh deuh, en inthahrun awm deuh rum rum khawpa an khawsak na te pawh ka hmu leh nawlh thin... Hei pawh hi a fuh lo.

Tin, piracy chungchangah (ka type tui..) .. software leh video ah chuan a lei a han lei tak hi ka la nei lo hrim hrim chungin kan film let tu te ho hi kan rel lawk. Vai film an let a (copyright an lei chhawn ka ring lo ve tawp), chutah "chumi khami phalna lo chuan lo capture leh chhuah chhawn, hralh phal a ni lo" an han ti ve leh ngawt thin hi chu ka thin a lo rim tep thin. Hlawm tak hian. A ruk a an ruk chhuah kha midangin an lo ruk ve dawn chuan an phal lo khawp mai.. A awm tho ah ngai tawh mai ang. Tin, "hei hi chu ka download ve liau liau" ti a software min pe duh miah lo ho hi ka ngei. hehe.. Topic nen a in mil tawh lo hle mai a..

Thil pakhat leh chiah. Charlie Chaplin hi khawvelah hian hnam dang, mahni tawnga let (subtitle ni lo, dub kher) an awm angem le. hehe

XXVI : Pu

2009-06-25T21:20:00.005+05:30

Kristian Thalai chanchinbu, kan room-a let let thin chu, bih ta'nge pawh ti chuang lo hian ka lo en liam leh mai thin a. A nihna takah chuan a hlui emaw ka lo ti char char zawk a. Tichuan vawiin tlai current awm loh lai tak mai chuan ka va bih ve ta a. Ka chhiar thuak thuak a, "thalai te leh pornography" tih te, "MUSIC hi enge ni?" tih te pawh a awm ta in ka hria :) Tichuan ka chhiar zel a, ka chhiar zo ve ta mai. Ka nun han chawm tur pawhin current a awm hnu kha chuan ka ngaihtuah leh tawh mang awm pawh ka hre law..

Ka sawi tum tak zawk chu.. Ka chhiar liam puat tawpa a kawm hnunglama hming inziak kha... Pu Francis... Ka va han inhmeh lo tak. A "Pu" lai tak kha. Tun thleng hian ka nuih a la za deuh roh.

Thla thumna chu a ni ve leh ta reng mai a. Kan inneih tirh lampanga thianpa Zoa bula "Nei ve tawh mai rawh. A nuam a nia" ka tih fiam a min chhanna kha ka la hre reng mai, "Thla thum hnuah a nawm leh nawm loh min rawn hrilh leh la ka lo ngaihtuah ang" a ti a nih kha. Thla thum chu la liam chiah lo mahse thla thumna chu a ni ve reng ta mai. Ka la inchhir lo khawp mai. Inchhir nachhan tur hi ngaihtuah ngial pawh hian han sawi fak tur hi chu ka la hre mai chuang lo.

Ka han hrilh nghal nghe nghe teh ang.

Disadvantage ti mai ila, a buaithlak deuh thin na pakhat chu a awm.. eng dang vak a ni lo.. zan chhuah mawlh mai hi... han chhuak ila lung hi a leng ru veng veng mai a ni. :) duh ang pawn a len hleih theih ta lo. Thiante ho chuan a engamah hma hian "Thaibawih" hi an han ti nghal ngawt mai zel bawk a. A ni ngawt lo a nia. Hrilh a in hrilh hriat chi a ni lo. Hei hi chu a ex a expirience chi a ni. An duh tak mai nupuiah an nei anga, an hre ve mai ang. Ina awma duh ber te bula nui huah huah tluka nuam hi a lo awm tam em em miah lo.

XXV : Legen.............. wait for it..

2009-06-23T23:16:00.005+05:30

Blog ka siam tirha ka rin aiin ka post peih phian mai.. Tlawhtu nei lem lo mah ila a nuam phian.. hehe.. ho mai mai bawk a..
Chuan.. topic ah lut tawh ila.. zanin hian kan thianpa Zoa car thar (i20) kan han lawm leh chawt a.. Chhungte International lamah kan ri phei leh luih luih a.. Tum ang em em phei chuan kan ei hlei thei hlawm lo.
Member present te:-
1. Muanpuia
2. Mazauva
3. Ben
4. Robert
5. Zoa
6. Keimah hehe
Kan thianpa Josepha a nu dam loh avangin a lo kal thei lo bawk. Tin, karleh lamah hian mazauva car thar kan lawm leh hmel. A tui leh khawp ang
Thalak tlem..

Chaw kan ei kham chuan kan thianpa pakhat thiannu te in lama len kan rawt a. Ani chu KTP member tlawh chhuah program hmangin a lo chhuak sia, "Pawi lo, an luhna in kawtah kan nghak zel mai dawn nia" tiin kan va pawng chhuah ta ngawt a. Aizawl veng pakhat ve meuha kawngpui atanga mi ina lut lawr lai han zawn chu a lo buaithlak khawp mai. Tichuan chu nula chu hmu lovin kan haw leh ta a. .. ........... dary thei ta lo a ni e.

XXIV : Tih tur hriat loh chang chuan

2009-06-23T12:40:00.005+05:30

Tih tur ka hre lo ve tlat. Photoshop khawih leh mai teh ang ka tia.. Hei hi ka siam ta mai mai..

Sources :

XXIII : Zawhna : HTML to PDF | www.SUANKUAL.com

2009-06-22T13:18:00.003+05:30

Quoted from http://www.suankual.com/zawhna-html-to-pdf/#comment-768:

Zawhna : HTML to PDF | www.SUANKUAL.com

Zawhna : HTML to PDF
June 15th, 2009 by sangtea
Ka blog hi html ni lovin pdf file a dah ka duh a. Ka’n google pawh hian ka duh ang tak hi ka hmu thei si lo va, khawngaihin min lo hrilh leh mai teh a.

Tags: html to pdf

www.SUANKUAL.com (Mizo Technology Blog) - Zawhna : HTML to PDF
Hei pawh Contribute bawk.. a that ve tho dawn hi internet chak tan chuan

XXII : Adobe Contribute

2009-06-22T12:38:00.001+05:30

Hei Adobe Contribute hmangin ka han post chhin a nih hi.. Hetiang lo pawh hian hman dan a awm nual maithei. Ka hre chiah lo.
Mahse connect ve tho a ngai a, Browser pangngai atanga tih nen a danglamna em em ka hre rih lo a ni e... hehe

XXI : Ninawm tran

2009-06-21T23:41:00.004+05:30

Ka va update tha peih lo tan.. Ka peih viau dawn emaw ka tia.. Awmze nei deuha tih loh chuan a ninawm dawn tan tlats mai..
Chuan hei Ka K750 chhe tawh tak mai hi theme thar nen ka chei teh ang ka tia. Eng tak ang ang imaw.. Ka duh ang chuan ka la siam lo nain hetiang deuh hian ka tih hmel

[edit]Animated gif hi a animated loh chuan a lo ho hle mai a.

XX : Tuitu

2009-06-20T10:14:00.003+05:30

Kan veng YMA chanchinbu 'Tuitu' chhiar duh tan blog ka siam leh mai mai. a kalphung a nih leh nih loh pawh ka hre law. Tuitu hi i lo chhiar ve thin dawn nia.. Dah mai a
Tin Electric Veng hi Power House awm hma kha chuan Tuitu Veng tih a ni thin a. Tuitu tih hi sava chikhat hming a ni. Chuan he hming chawi hian Electric Veng Branch YMA chanchinbu kar tin chhuak hi Tuitu tih a lo ni ta a ni e...
Tin, Electric Veng Branch KTP chanchinbu 'Nunna Eng' chhiar duh te tan pdf download theih in hetah hian a awm bawk e. Tin, sawi tur dang vak ka hre tawh lo

XIX : WoW

2009-06-20T00:48:00.002+05:30

No! Its not about World of Warcraft. Its about the post count, "XIX" ... WOW.. 19 posts ? Man.. I'm so "taima" when it comes to "Ho mai mai"
The new picture slideshow, by new I mean new to my blog, is a collection of pictures I took mostly with my Sony Ericsson K750, which, now has refused to click when I press the capture button. This phone, among the three I had, is by far the best when it comes to camera.
Saptrawng te a kan tih ve duah chu le.. Inzirna a ni e.. Ka visitor regu tak tak te :D khan min lo ... hram dawn nia.. hehe
E taka zanin chu 12 thleng kan veng YMA chanchinbu ka zuk siam pui leh kha.. Mai mai tala

XVIII : BCA Picnic

2009-06-19T12:09:00.002+05:30

Kar hmasa Ningani khan BCA 6th semester ho chu Lengpuiah an picnic a. Ka tel ve lo. "Engatinge min hrilh ve loh a" tia ka zawh lai pawh khan min sawm loh chhan ka hre reng . Ka peih leh dawn chuang lo.
Chuan video camera te an keng ve a. An thlalak chu min capture tir a.. Ka en meuh chuan ka kal ve chak rum rum mai.. Thlalak tlem tlem kan dah ve leh ange. hehe

An dive vel a nih khi...

XVII : Ka project screenshots

2009-06-18T13:37:00.004+05:30

Midang ngaihah enge a an chu ka hre lo nain ka project hi ka chhuang khawp mai. Mahnia fight chhuah ve ngat a ni bawk a.. chuan screenshot kan dah vel mai mai teh ang. Hehe

XVI : GZRSC BCA

2009-06-17T15:02:00.005+05:30

Zirtiri College a BCA kan zir laia thlalak thenkhat kan dah leh mai mai ange........
Gay miah lo nia aw
Zirtiri College BCA picnic thlalak ah chuan vawi khat mah min hmu lovang hehe

Hel hawl hlawm hian.. hehe

Camera trick tih a tum a.. A fuh ta lo a nih hi.. Tunah chuan dota a khel ta daih

Kan nula ho te hi.. dah mai a

Nula ngaihsak lo mi ltk tak hi chu aw.... a chhakah hian nula hlir, chhelo tituai tak tak an thu chho hmurrrr a nia

Kan class thlalak : 1st year kan nih ve lai..

XV : A va HO

2009-06-16T22:01:00.002+05:30

Vawiin kan project presentation tur ka huphurh zia chu ka post hmasa ah khuan a chiang tawk lo. Nizan ka mu thei mang lova. Tukinah mumang buai tak tak ka nei a. Ka za zek zek bawk.. hehe. Kan kal dawnah current a awm loh avangin project softcopy pawh cd a write tur kan la siam hman lo zui. Huphurh em emin ka partner te pahnih nen kan room-ah kan inhmukhawm thrap mai. CD chu kan write thei dawn si lova. Pen drive-ah tal lo backup ni ila a zia tur. Chu pawh ka lo tih si loh avangin ka KHAWL tawp chu motor seat-ah ka thutpui ta ran mai a.
Huphurh chung zelin kan va kal ta a. Current a la awm lo zel a. Kan computer ken ve te chu staff room-ah kan han hung hnawk phawt a. Chutah generator an han pawt nung a khu luih luih karah kan in sul pel ta suau suau mai a...
Kan file ho chu kan lakchhuah hran duh si avangin inthlahrun pawh sawi thei lovin generator chuan khawl kan on a, pen drive ah, laptop atanga cd write leh mai turin, kan han save leh te te a. (Hemi chungchangah hian kan HOD Sr. Rinawma a fel ka ti khawp mai.. )
Tichuan generator chuan kan han pe tan ta a. Kan thianpa pakhat chu haw hma a duh sia, lecturer te a lo va be tha vel a, presentation chu a lo va pe thawt thawt pek a. A pek zawh veleh chuan generator chuan min peihlohsan ve leh ta mai bawk si. Amah chiah chuan kan class pum puiah presentation a pe tluan ta a nih chu.
Tichuan "Viva zawngin kal mai teh ang u" an tia. Viva chu kan han in luh chhawk leh ta a. A tirah a mal te te in kan lut phawt a, Roll no 10,11 vel bawr atangin group in kan han ti leh ta a. Keini Roll No hnuhnung deuh chu a hnuhnung berah kan lut a. Kan Viva lah chu... sawi lo mai ang.. Vawiin kha BCA zirlai nih hnuhnung ber a ni bawk a.. Lung te pawh a leng ve trep.
Kan thianpa pakhat chhas tur deuh roh kan va rim zuai a (a khawlai leng),.. A chhe lo phian. Kan approve vek ta in ka hria..

XIV : Presentation : Huphurhawm

2009-06-16T00:33:00.002+05:30

Mipui hma chu sawi loh, nula chhelo tih ruk deuh hmaah pawh zam chhe (tlangval lai thil) thin khan lecturer te hmaah project presentation ka pe dawn chu a nia... a va han huphurhawm ngai ve.
Mahse naktuk bak hi chu BCA zira thil tih engmah ka nei dawn tawh lo a nih hmel sia.. A phurawm let ling khawp mai.
Ka presentation screenshot hi kan chhawp ve mai mai ange...

XIII : Teuh ta em

2009-06-14T23:25:00.003+05:30

Ka theme chu a va han zo teuh tawh tak em. Ti hian a chung lama rawn uaithla ah khian dah mai tur ka hre si lova. Ngaihtuah a ngai a a ni deuh tawh mai. Search-na te hi siam ta mai mai ila te ka ti. Engpawh nise zanin atan chuan a tawk thawkhat in ka hria. Duhtawk phawt ang.
Mak deuh mai chu hei vawiin hi ka net a chak ve tlat. Download tur lah chu ka hriat loh lai tak a ni bawk sia. Zia lo khawp mai.. Englo ka Download mai dawn mawn le.. Ngai leh lo mai.. heh

XII : Thlak a ngai

2009-06-14T18:18:00.002+05:30

Chhiartu duhawm tak tak te hnena hriattirna cum ngaihdam dilna siam a ngai tlat mai le. tlanipasal.blogspot.com tih chu a hming neitu(Tlani) in Court lama kalpuia min vau avangin a site neitute chuan kan thlak a ngai ta tlat mai le. A pawi kan tiin kan zak a, hrehawm pawh kan ti. Mahse he khawvela patling nung tawhah nupui te ngam em em an awm reng em? Hei hi i inzawt theuh ta ila chuan min hriatthiam ngei kan beisei e. Tih tak em ah chuan Abraham Lincoln te pawh kha.. Kha daih kha sin
Hetianga in vau leh ringawt thin hi chu a lawmawm loh khawp mai. Amaherawhchu hei url tharah hian thil danglam a awm dawn chuang lova. URL thar leh theme thar tih loh chu a hoh ngai rengin a ho dawn a ni.

XI : New Theme

2009-06-14T16:15:00.003+05:30

Ka siam zo der.... mak ve.. hehe
Ka van thiam.. hehe
nav bar hi ka hide ve ngawt a a pawi em lawng chu maw...
font size hi ka man chiah lova.. tih tet deuh chu a ngai a ni.

X : New Theme

2009-06-13T17:50:00.005+05:30

Template siam kan zir ve re re teng ka tia.. A design chu hetiang deuh hi a nia..
Kim lo nian nuan chuan ka theih ve mai chu ka ring.. hehe

IX : Running out of topics

2009-06-11T18:56:00.006+05:30

Post tur ka hre lo tan e.. E taka.. Vawiinah ka project report bind tir ka tum a.. Ka va han buai tak em!!
Chaw ei kham veleh ka chhuak a.. "Chandmari Hall hnuaia a chhak berah" tia dawr lar em em mai chu ka han pan a. An la inhawng lo.. Minute 15 vel ka nghah hnuah a dawr nei tupa a rawn kal a.. "Ka ti hman tawh lovang" tiin min chhang.. Kan classmate Cross-a ka hmu a kal kual puiah kan sawm chawt a. Ani lah chuan khulai deuhah khuan a theih tiin min hruai thla ve ngawt a.
A lo theih loh a..
A theihna min kawhhmuh hnuah project report bind tur chuan ka chho leh ta a. "Zanah chauh kan ti thei. Vawiina zawh hman tur chuan kan hman lovang" tih pahin 'Chandmari Hall hnuaia a chhak ber' bawk chu min kawh hmuh leh a.
Chhu peih tawh lo..
Treasury square-a press ho chu ka zawt kual leh pap pap a.. An thei lo vek a.. Synod Press-ah ka va kal a. An thei leh pek chuang lova. .
Ka haw tur chu kan classsmate Synod press-a hmelhriat nei ka hmu hlauh mai a.. A zarah ka ti thei hram a. Bind tura ka dahluh hnuin kannu te inah ka leng a. Tlai dar 2:30 velah ka va la chhuak a chuan College lamah hlim tak leh lawm takin ka kal ta a..
P.S : Vawiina ka buai em em na chhan chu Project report vawiina thehluh tur kha karleh tuesday emaw ka lo tih vang a ni.
Diary a ang..

VIII : BCA 4th Semester Question

2009-06-10T10:59:00.003+05:30

Q1.
A. Create a new directory 'bcadir'
B. Inside the newly created directory,create 2 files named 'bca1' and 'bca2'
C. Display the contents of the newly created file.
D. Display the full path of the current directory.
E. Change the file 'bca1' by relative permission to - -rw -r -rwx and file 'bca2' to - - r-rwr - -r

Khawiah emawni ka hmu nawlh a ka post mai mai a ni e.

VII : Tihtur awm leh thut

2009-06-10T00:14:00.002+05:30

Email ka check a tihtur ka nei leh thut.. Ka ti zo leh tammm.. Mu tak tak tawh ang.. Hei chu twitter a dah awm lek a nih hi mawle.. Post titamtu-ah a tha ve mai mai ang.. Tih tirh hi chuan post tam te hi a nuam ve a...

VI : Post mai mai

2009-06-09T22:59:00.002+05:30

Mut a la chhuak si lo.. Tihtur em em pawimawh neih tawh bawk si lo.. ziah tur em em hre chuang bawk si lo ang deuh hian ka awm mek in ka hre deuh a... Mahse hei paragraph khat chu ka ziak leh deuh der chu a ni mai.. Mu ta mai ila ka muhil awm chuang si lova.. Khuma men kur ka peih chiah bawk si lova.. Enge ka ziah/tih/chhiar ang awwwwww...
Ziak/ti/chhiar lo mai ang.. Mu mai ang...
Lo chhiar an awm chu ka ring chiah lo nain mangtha ve re re.. hehe
NUAM EE

V : BCA 06-09

2009-06-09T11:25:00.000+05:30

Ngaihawm ve dawn hle mai.. Han sawi zui vak ngaihna tak pawh ka hre love...

IV : Indesign

2009-06-09T10:55:00.002+05:30

Project kan tih truah hum lai a ni bawk a ti truah leh hum mai ang.. Exam te kan zo fel ta bawk a, project report kan chhu ta tlauh tlauh mai.
A tlangpuiin Mizoramah chuan Word leh Pagemaker hi thil chhut vel nan hian kan hmang thin in ka hria a.. Word hi chu a khawng et ut ka ti.. ka sawi thiam chiah lo. Chuan page maker hi engatinge kan hman uar em em le ka tia.. a software hi a hlui tawh em vang hian thil ni awm lo deuh deuh hi a awm thin in ka hria.. Entirnan, ctrl+ z hi hmet ta la, i undo theih pawn step khat bak i undo thei lovang. chuan engemaw han drag ila a thlawk duai zel a.. hemi pahnih ringawt pawh hi ka tan chuan ninawm tham a ni. Thil dang chu sawi lo mai ila.
Chuan Adobe product tho Indesign hi ka hmang chhin a. Pagemaker hman nawmna zawng zawng awm chungin a hman hrehawmna ho kha an paih (ti mai ang) ta duak a.. Zia khawp mai... hehe..
Moral of the story : Software hi a lei a lei thin ni ta ila tuna ka rawn ziah pakhatmah khi ka hmang lovang mawle hehe

III : Zo tam!!

2009-06-08T18:57:00.000+05:30

Exam chu kan zo ta der mai.. Practical-ah thiam tak maia han chhan chuan nuam ve duh khawp mai.. Chuan project report submit a presentation pek a ni ta mai.. zia khawp mai aa...

II : Exams tomorrow

2009-06-07T23:56:00.000+05:30

Naktuk practical kan exam dawn der mai.. Ka va han hre lo heh heh tak.. kan exam dan kalphung tur pawh ka hre lo.. VB6 ah hian ka tui lo hrim hrim. A syntax hi a buaithlak.. ka sawi thiam love a..
Tin, ka click kual ka click kual a keimah leh keimah ka in follow ta trut mai.. zia lo khawp mai.. Pawi lo ah ngai phawt ang.

I : First Post

2009-06-07T19:00:00.000+05:30

First post... testing testing ... 1 2 3 4...

Tuitu

2009-05-20T01:11:00.001+05:30

Tuitu chhiar duh te tan :
Tuitu June 7 09

Tuitu June 14 09
June 14
June 28